مهند شآد آوغلو في زيآره لغزه ..!!!

السلام عليكم ..
كيفكم اعضاء و عضوات المنتدى آن شآء الله طيبين ..

||

طبعا الكل يدري بالمجزره اللي صايره بغزه

والاجرام اليهودي فيها

مئات الناس تموت واحنا نتفرج ..

ونقول ما بيدنا شي

لا بيدكم تسون اشياء و اشياء كبيره ..

رح تقولون نجاهد ؟ ما نقدر و اللي يقول مو مسموح و مدري وش من اقوال كثيره

ثلاثه اشياء نقدر نسويها رئيسيه

1- الدعآء لهم وهذا اهم شي

ادعو في كل صلاه لهم ادعو ربي ينصرهم و يقويهم و يهز اليهود و يزيدهم خوف

2- قاطعو المنتجات الامريكيه

تصدقون عاد وانا اكلم ناس اعرفهم يقاطعون منتجات امريكيه

انصدمت من ردودهم

تتوقعون وش ردودهم؟

اللي يقول انا لو قاطعت لوحدي ما رح ياثر و الكل بيشتري

طيب اذا كل شخص يفكر بهذا التفكير عمرنا ما رح نقاطع

لازم كل واحد مننا يقاطع و يقنع اللي حوله

اقنعتهم بالقوه يقاطعون و جيت اقولهم اقنعو اللي تعرفونهم

تدرون وش ردو ؟

قالو هههههههههههههه والله يقلبونا محشه و يفكون كاااي اليم

انصدمت والله ؟؟

يعني موت الفلسطينين كاااي اليم و شي يموت ضحك ؟

ناس للاسف قلوبهم ميته ؟؟

يمكن في اعتقادهم انهم لو اعطو اي موضوع زي كذا اهتمام ما يصيرون كووول ؟؟

اذا هذا تفكير اللي حولينكم .. برضه كلموهم كونو المسخره حقتهم والمحشه ..

بس ارضو ضميركم .. و أدو واجبكم الاسلامي و العربي تجاه فلسطين

و صدقوني رح يفكرون فيها اذا قلتوها بجديه و آبديتم اهتمامكم في الموضوع دون ضحك

وناس ثانيه ردت علي ما نقدر نقطع عن البيبسي

[size=9]البيبسي اكبر مرض يدمرنا

وانا ما انكر اني مدمنة بيبسي و مهووسه في البيبسي

وفي اليوم الواحد اشرب 3 علب بيبسي واكثر وشي ضروري عندي

اشربه يوم اكون عطشانه لدرجة اني ما اشرب مويه ابد

لكن قاطعته عشان ناس مسلمه ما تموت

عشان ادمر اعدائي اللي الحين يدمرون فلسطين و بكره بس يقضون عليها يجون يدمرونا

انا بس اقاطع بيبسي كسبت حاجتين

كسبت صحتي وكسبت اني منعت فلسطيني يموت

ياللي ما تقدرون تخيلو وانتم تشربون البيبسي تشربون دم فلسطيني ( رجآل , حرمه , عجوز , او حتى طفل )

قاطعو المطاعم الامريكيه

طبعا الكل يدري ان كل المطاعم الامريكيه اصحابها يهود اصحاب جنسيه امريكيه ..

والكل يدري انهم يدفعون مبالغ من ارباحهم لصالح اليهود

طيب ليش ما تقاطعونهم .؟

تحبون ماكدونالدز تحبون بيتزا هت تحبون هارديز و المطعام هذي كلها

انا بعد احبها بس قاطعتها عشان فلسطين ماهي صعبه والله ولا رح تموتون لو قاطعتوها ؟؟

حالنا صار يرثى له

نجي نقنع شباب لا يروحون ستار بكس

اللي ما بقى شاب وما راحه

يقولون يا شيخه خلينا نفلها هناك و ننبسط

ونرقم بنات

واللي يقول اقابل خويتي هناك في اماكن راقيه مو اقابلها في مطعم سندوتشات ؟

هههههههههههههههههههه يا حليلك والله .. ونعم التربيه و نعم التفكير الاسلامي الصحيح

بغيت اتفل على الشاشه من كثر ما قهرني بس خفت على شاشتي تخرب ..

يعني خلق تفكر هذا التفكير وش تحس به بالله ؟

اصحاب السوبرماركتات اللي مكتوب في جوازاتهم او بمعنى اصح دفاتر السن توب حقتهم انهم مسلمين ..؟

وينهم عن المقاطعات ؟

كل يوم الصباح يدخل مؤؤنة يوم كامل من المنتجات الامريكيه ؟؟

ولا شاف فلسطيني يموت بالتلفزيون سب و لعن ؟

ههههههههههههه يا حظه مقهور على فلسطين ؟؟ وين قهرك ما يبان و انت تشتري منتجآت امريكيه ؟

يعني لمتى التبلد هذا ..

متى نصحى ؟

والمصيبه الاعظم و القهر الاكبر

تلاقي خلق يقولون احنا عرب لا حرج ما نتفق و احنا كلام بس

يعني تسبون نفسكم و فرحانين

فرحان انت كذا ؟؟

خلاص الاجانب دخلو هذا التفكير فيكم و اقتنعتو فيه ..؟

العرب هذول اللي تسبون فيهم و تقولون مالهم كلمه و اتفقو على ان لا يتفقو و منزلين عليهم نكته حمار يسب عربي يقوله يا عربي ..

هذول زماان فتوحاتهم وصلت الغرب و هددت اوروبا

بتقولون زمان بقولكم ايه زمان يوم كان ايمانهم قوي ..

بس دامكم تقولون كلمتهم متفرقه و كلهم كلام ليش ايام زمان ما كانو كذا ..؟

ليش الرسول عليه الصلاة والسلام ما وصفهم بهذا الوصف و هو اللي وصف كل امه بصفه وصدق وصفه

هذي ماهي صفاتنا هم اقنعونا بهذا الشي و احنا صرنا مقتنعين بكذا

ثاالث شي تسوونه التبرعات

وانا خليته اخر شي لاني دخلت منتديات فلسطينيه و ناس من غزه تحديدا قالولي ما توصلنا ولا شي من التبرعات

قالو عربيه تدخل و عشره ينسرقو

هذا كلامهم بالحرف الواحد والله

انا ما اقدر ااكد لكم هذا الكلام انه ما يوصلهم شي

تبرعو حتى لو تبينون لاهل غزه اننا معهم واننا ما نسيناهم

حتى لو ما وصلتم كل التبرعات و انسرقت معضمها كفايه يوصلهم القليل

كفايه تعرف اسرائيل ان العرب ما نسيت فلسطين واننا نحاول نساعدهم احنا كشعب ماله اي قرار ولا اي قدره غير مضاهرات وكلام وتبرعات و دعاء

..// ..

اتمنى و ادعي ربي من كل قلبي انكم تجهدون نفسكم و تقرون الموضوع وانكم تفكرون في كل كلمه قلتها

وانه يثمر فيكم ويغير تفكيركم و يصحي الضمير عندنا حتى لو القليل منكم فقط

لاني متاكده ان القليل بياثر و القليل بيوم بيصير كثير ..

ونبدا باول شي اقدر اسويه و هو الدعاء

اللهم انصر اهل غزه و صبرهم و دمر اسرائيل و امريكا و كل عميل لهم و انصر كل ما يعاديهم

اللهم امين

.. خليت العنوآن كذآ لآن الموضوع مهم ..

[/size]

وعليكم السلام

والله الحمد الله وانت كيفك

آميـن يارب ~

=) أشكرك يالغالي ع الموضوع . .

.

اشكركِ ع المرورِ

لأ تحرمينآ توآجدك

يسلمووو يالغالي الله يقويهم وصبرهم اي هذا الكلام الزين ههه

تـ‘ـسـلـمّ ح ـبؤٍبً ع الطـرٍحِ الممـيزٍ Question

موضوع في مكانه وفالصميم وموجه الى كل العرب المسلمين وتسلمين عالموضوع المميز

يسلموو اخويه عالموضووع 
 
ربي ينصرهم انشالله